Rajini starrer tamil film பில்லா மீண்டும் புதுப்பொலிவுடன்!!!

ஹிந்தியில் பிரபல நடிகர்களின் படங்கள் அதே பெயரிலேயே மீண்டும் தயாரிக்கப்பட்டு வெளியாவது தற்போது வழக்கமாகி வருகிறது. அதுபோல தமிழிலும் பிரபல நடிகர்களின் பழைய படங்கள் அதே பெயர், அதே கதையுடன் தயாரிக்கப்படவுள்ளன. அந்த வகையில் ரஜினிகாந்தின் படங்கள் தற்போது அதே பெயரில், கதையில் வேறு நடிகர்களின் நடிப்பில் வெளிவரவுள்ளன.



பிரபல தயாரிப்பாளர் கே.பாலாஜி சுஜாதா சினி ஆர்ட்ஸ் சார்பில் ரஜினிகாந்தை வைத்து "பில்லா', "தீ' போன்ற வெற்றிப் படங்களைத் தயாரித்தவர். இவர் தற்போது சுஜாதா சினி ஆர்ட்ஸ் சார்பில் காலத்துக்கு ஏற்றவாறு சில மாற்றங்களுடன் புதிய நடிகர்களை வைத்து மீண்டும் "பில்லா', "தீ' என்ற தலைப்பில் படங்களைத் தயாரிக்கிறார். 79-ல் வெளியான "பில்லா' படத்தில் ஸ்ரீப்ரியா கதாநாயகியாக நடித்தார். 80-ல் வெளியான "தீ' படத்தில் அன்றைய மிஸ் இலங்கை தமரா சுப்ரமணியம் கதாநாயகியாக நடித்தார். இவர்கள் இருவரையும், பழைய பெயரில் புதிதாக வெளிவரவுள்ள இந்தப் படங்களில் நடிக்க வைக்க முயற்சிகள் நடைபெற்று வருகின்றன.

தகவல்: தினமணி